علاجات الاسنان الوثائق المطلوبة

اليوم غانهضرو على موضوع علاجات الأسنان القابلة للتعويض من كنوبس

 و نسبة التعويض و إجرأت تكوين الملف

 و بعض أسباب رفض التعويض

.

.

علاجات الأسنان كثيرة كاينة لي قابلة للتعويض

 و كاينة الغير قابلة للتعويض 

و كاينة القابلة للتعويض لبعض الفئات فقط

فقط للإشارة نسبة التعويض فكل الحالات لي غادي نذكرو هي %80 هاد النسبة فقط ديال كنوبس (وكاينة نسبة أخرى تختلف من تعاضدية لأخرى و لكن فالغالب بين %10و %16)

هاد النسبة ديال التعويض تتكون على التعريفة الوطنية المرجعية TNR و راه سبق لينا

.

.

1️⃣أولا: الإستشارة أو Consultation عند طبيب الأسنان ‍⚕️

التعريفة ديال الإستشارة ديال طبيب الأسنان محددة في 80 درهم

و الوثائق اللازمة للإستفادة هي:

*ورقة العلاجات أو Feuille de soins الخاصين بالأسنان تكون مطبوعة و موقعة من طرف الطبيب + الرمز التعريفي ديالو

*إلى عطاك شي دواء خاصك الوصفة الطبية

*إلى ماعطاكش الدواء خاصو يكتب ليك أسباب هاد الإستشارة

.

.

2️⃣ثانيا: التصوير الإشعاعي أو Radiographie 

إلى درتي راديو عندو علاقة بالأسنان مثل Radio panoramique أو Radio Alvéolaire التعويض كذلك تايكون %80 من TNR 

الراديو خاصو يكون فيه التاريخ فاش درتي الراديو و الإسم الكامل ديالك

و الوثائق اللازمة للإستفادة هي:

*ورقة العلاجات أو Feuille de soins  تكون مطبوعة و موقعة من طرف الطبيب + الرمز التعريفي ديالو

*نسخة من الراديو او التقرير

.

.

3️⃣ثالثا: علاجات الأسنان أو Soins dentaire

هاد العلاجات فيهم 2 أنواع

 العلاجات المحافظة و التدخلات الجراحية

و هي كالتالي:

*الحشو(العمارة) بكل أنواعها

*علاج لب الأسنان و القنوات

*علاجات اللثة

*إقتلاع الأسنان

*Detartrage

*الجراحات(جراحات اللثة، الجراحة ما قبل التعويضية ...)

و الوثائق اللازمة للإستفادة هي:

*ورقة العلاجات أو Feuille de soins الخاصين بالأسنان تكون مطبوعة و موقعة من طرف الطبيب + الرمز التعريفي ديالو

*ورقة الأتعاب أو Note d’honoraires

*بالنسبة لعلاج لب الأسنان لازم راديو Radio Alvéolaire

*بالنسبة للجراحات لازم أشعة ما قبل الجراحة أو Pre-opératoire

*إلى تجاوزات الأتعاب 20000 درهم غادي يخصك دليل تايتبت الأداء(شيك أو تحويل)

بعض أمثلة التعريفات المطبقة على علاجات الأسنان:

 Detartrage 156 درهم

معالجة تسوس الأسنان 130درهم

نزع عصب لناب 130درهم

نزع عصب لضرس أمامي 195 درهم

نزع عصب لضرس خلفي 325 درهم

إقتلاع نهائي لسن 130 درهم

.

.

4️⃣رابعا: أجهزة تعويض الأسنان 

كاينين 2 أنواع لي متداولين بكثرة هوما جهاز تعويض الأسنان المشترك و جهاز تعويض الأسنان المساعد لي معروفين للعامية   ب Mobile و Fix

الوثائق اللازمة:

*ورقة العلاجات أو Feuille de soins الخاصين بالأسنان تكون مطبوعة و موقعة من طرف الطبيب + الرمز التعريفي ديالو

*ورقة الأتعاب أو Note d’honoraires

*الراديو قبل و بعد العملية

* دليل الأتعاب إلى تجاوزات الأتعاب 20000 درهم

❗️❗️يجب الإنتباه

كاينين بعض الحالات لازمك موافقة مسبقة من كنوبس حتى يوافقو ليك عاد تقدر تدفع الملف للتعويض

و هاد الحالات هي:

*الجسر أو Bridge إلى درتي fix و كان عدد الأسنان 4 أو أكثر و كانو متتابعين 

*إلى بغيتي تبدل Bridge بعد مرور 5 سنوات

* إلى درتي Mobile أو Stellite لي فيه أقل من 4 أسنان أو أكثر من 10 أسنان

الوثائق اللازمة لهاد الموافقة المسبقة:

*ورقة العلاجات أو Feuille de soins الخاصين بالأسنان تكون مطبوعة و موقعة 

  من طرف الطبيب + الرمز التعريفي ديالو

*دوفي Devis

*و Radio panoramique avant

*نسخة البطاقة الوطنية

*نسخة بطاقة كنوبس

بالنسبة للتعريفة ديال أجهزة التقويم 

Bridge أو Fix 2250درهم

Mobile أو Stellite 

      أداة تثبيت الطقم من 1 إلى 3 أسنان 2000 درهم

      جهاز أسنان كامل(فوق و تحت)     3000درهم

.

.

5️⃣خامسا: تقويم الأسنان

تقويم الأسنان تايحتاج كذلك لموافقة مسبقة و لكن فقط للأسدس الأول 

هاد التقويم تايستافد منو الأطفال لي السن ديالهم قل من 16سنة

الوثائق اللازمة:

للموافقة المسبقة:

*ورقة العلاجات أو Feuille de soins الخاصين بالأسنان تكون مطبوعة و موقعة من طرف الطبيب + الرمز التعريفي ديالو

*دوفي Devis

*فحص شامل للأسنان Bilan Orthodontie

*نسخة البطاقة الوطنية

*نسخة بطاقة كنوبس

للتعويض:

*بالنسبة للأسدس الأول 

تادفع الوثائق السابقة بالإضافة للموافقة لي توصلتي بيها

*باقي الأسدسات تادفع غير الوثائف العادية 

بالنسبة للتعريفة 

1500درهم لكل أسدس

.

.

6️⃣سادسا: أسباب رفض بعض الملفات ️

*عدم إحترام الموافقة المسبقة للحالات لي تايحتاجو موافقة قبلية

*عدم دفع إثبات للأداء إلى العلاج تجاوز 20000درهم

*عدم دفع الوثائق اللازمة كاملة

*الإتجاه لبعض العلاجات الغير قابلة للتعويض

*إلى بدلتي Bridge قبل ماتكمل 5 سنوات

*التقويم التجميلي بحال

  Les facettes

  Les couronnes Ceramo-Céramique

  Les couronnes en zircone